Hla thu
Van kohna thianghlim chhawn, Abrahama chuan,
Raltiang Kanan a kai ni chuan,
Engtin tak ngai maw, rual duh hlui then chu,
Luaithli nulin rum tak ang maw!
Lalpa, i kraws chhuanga lo pen chhuak hi,
I tan serhin tithianghlim la;
Hmana i tluang lam sial zawh hlen ngei se,
Hruai la, a tawp thlenpui ang che.
Van kohna dawngtu, nang lo ding chhuak la,
Kotu che hi zui hlen ve teh;
Inhuam la, ani chu thawhtir ang che,
I tana ruat chu vuan zel rawh.
Hmanah a ngur lal lian Faraw bawihte,
Chhan tura Mosia kal ang khan,
Nang zuitu lunglai kham zawng a lian si,
A duhthlan ber nang lo ni la.
Ka dil che Lalpa, i rawngbawltu hi,
Damchhung i hmanrua ni turin;
Mi dangte dam nan a kut chu phar se,
Thlarau mantuah siam ang che.