Hla thu
Van engah khian naupangte tan,
Thian tha pakhat a awm;
A thatna dang thei lo leh
A hmangaih dai ngai lo.
Khawvel thiante erawh chu,
Kum angin an dang thin;
He thian rinawm tak hianin,
Hming ropui tak a pu.
Vanram mawiah khian naupang tan,
Chawlhna hmun pawh a awm;
Lalpa hmangaihtute chuan,
'Ka Pa, Ka Pa,' an ti.
Buai leh hlauhawmna laka,
An chawlh hlenna tur chu;
Chutah chuan chhandamte chu,
Chatuanin an chawl ang.
Naupangte tan in a awm,
Khi van eng takah khian;
Chu remna in nuamah chuan,
Isuan ro a rel a.
Chu in ang leia in hi,
Teh tur reng a awm lo;
Chu tluk hlimna a awm lo,
Chutah mi tin an hlim.
Naupang tan lallukhum a awm,
Khi van mawi takah khian;
Tu pawh Isua ring chuanin,
Nakinah an khum ang.
Chu lallukhum ropui chu,
Lalpan pek a tiam a;
Leia hming faktu leh
A hmangaihtute chu.