Thimin lei a tuam laiin

Thimin lei a tuam laiin, Van engin piallei a chhun; Vanhu zai mawi a lo ri, "Rem leng se," tiin an zai. "Chungnung berah Pathian chu, Ropui takin awm rawh se; Lei chunga mihring hnenah, Rem leng se," tiin an zai. Puan eng var rupui sinin, Bethlehem dai phul lengah; Chhandamtu lo pianga chu, Chawimawi nan hla thar an sa. Van mite an her liam a Thangvan sang an kai hnu chuan Beramputen khawharin Bethlehem dai reh an nghak Keini pawh van mite u, Berampute ang khanin; "Leiah rem leng se," tiin, Min zaipui ve dawn law'm ni?