Hla thu
Ṭhalai huaisen, Lalpa chu enin,
A duhzawng chu thlir zel mai rawh;
Mi, i tilawm zo seng chuang hlei lo vang e,
Hmangaih thianghlim, felna ralthuam inbel la.
Mihring tilawm ila, Krista bawih ka ni lovang,
Ka tisa chakna hian thlarau a do, Lalpa;
“Aw, min khenbeh sak rawh,
Keimahin ka thei si lo,” tiin dil la.
Ṭhalai huaisen, rinnain chhuak la,
Lalpan a tanpui zel ang che;
Thlarau boral tam takten vakvai angin,
“Khawnge hawnna kawng dik aw,” tiin an au.
Ṭhalai huaisen, Lalram ṭulna hian,
Kum rei a awh dawn tawh love,
Lalpa ngaih dan chu ngai pawimawh ber mai la,
Pakhat tan pawh a ui lo, a fa nunna.
Ṭhalai huaisen, nuam lam leh tam lam,
Thlirin Lalpan a rel dawn lo;
Mi zawng zawng ṭangrualin, Lalpa a malin,
Chatuan pawhin a zam dawn lo, Chatuan Pa.