Mi chau tak leh lungngai ka hmu

Mi chau tak leh lungngai ka hmu. Ṭhahnemngaiin a kal zel a; Ni tiam lo thleng tur chu nghakin, Kraws chu puin a inhlan zel. A hmel enin a zur ngei e, Lei lungngaih hrehawm a tuar zo, Engvangnge tiin kan zawt a, “Beiseina lawmawm vang,” a ti. Ngunhnam leh awmphaw keng ka hmu, Huaisen taka khawvel dovin; Tlawm leh hnungtawlh reng a tum lo, Chatuan lallukhum chang turin. Hmelmaten an hliam tuar mahse, Vuina thinlung reng a nei lo, Engvangnge tiin kan zawt a, “Beiseina lawmawm vang,” a ti. Lenrual hlui lungduh kalsanin, Hausak leh hmingthannate pawh; Kawng chep leh zim chu zawh zelin, Damchung rawng bawla inhlanin. Fiahna nasa tak tuar mahse, Hmel hlim takin a kal zel a; Engvangnge tiin kan zawt a, “Beiseina lawmawm vang,” a ti. Sual thim hrehawm buaina kara, Van ram kal kawng kan zawh lai hian; Hmusit, endawngna kan tuarin, Thlan kotlangah pawh kan ding thei. A hmangaihtute hruai tura, Kan Lal a lo kal hma loh zawng, Nitin min tichak thar tur chu, Beiseina lawmawm hi a ni.