Hla thu
Lei mihring thihna hmabak zawng zawngte’n,
Nun hlimna chatuana thih theih lohna;
Khawi lam aṭangin nge kan zawn hmuh ang?
Isua Krista zarah chauh kan hmu ang.
Chhandamtu nun, thihna leh thawh lehna,
Sawipuitu a lo kal vawi hnihna nen;
Engkim siam thar lehna hun ropuichu,
Chatuana Pathian ruahman a ni e.
Rin vanga khawngaih a chhandamte chuan,
Piantharna, Pathian dan thianghlimna te;
Thil tha tih, rawngbawlna nun an nei a,
Bible chhiar, ṭawngṭainaan hmang tha thin.
Thlarau thianghlim pawlna changtute chuan,
Krista zarah chhandamna an nei a;
Khawngaihna, rinna leh dan zawmna te,
Nun muanna, thih muanna an chang ngei thin.
Aw Lalpa, keini pawh mal min sawm la,
Kal sualna, zirtirna dik lo lakah;
I fate thlarauvin min veng ang che,
Van rama cheng tlakah min siam ang che.