Lei mawina leh khawvel par vul zingah

Lei mawina leh khawvel par vul zingah, Ka lo vak vel, hlimna zawngin; Kha chen kha maw ka lo vaih khawvelah, Kalvari tlang ngeiah ka lo chhar ta. Ka thliak ve ang, kraws pangpar ngei chu, Kei misual riangvai hnemtua’n; Ka thlang zawk e, khawvel par zawng aiin; A chuai dawn lo, chatuan thleng pawhin. Khawvel mite’n hmusit mah se langin, Kei ka tan zawng chatuan lawmna; Pangpar rimtui chuai thei tawh ngai lo chu, Hmangaihna par rimtui ngei a lo ni. Ngai teh, hringmi achan lai reng pawhin, A leng vel thin a par rimtui; Damlo, kebai,piangsual tanpui ngaite’n, An lo dawng thin kraws par rim leng vel hi. A chuai lovang, ka Lalpa kraws par vul, Lungngai rethei, riangvaite leh; Hringmi chatuan nunna ngaitute tan, A vul zel dawn chatuan thleng pawhin. Aw, nang pawh, tunah ngei hian lo kal la, Khawvel par zawngle kalsanin; Kros hmangaih par zawng hi han dawn ve la, I chang ngei ang chatuan rohlu ngei chu.