Hla thu
Lei aṭanga chatuan hmangaihtu dik,
Chhuichhuah phak rual loh, Lal Isua ka nei;
A ngaihdam phak loh sual tawp reng a awm lo,
Hringmi hmangaihna sang berte pawhin,
A el zo lo, A hmangaihna.
A hausakna leh ropuina tluk phak tur,
Lei mi hausate zingah tunge awm?
Khawvel ropuinain a teh phak ngai lo,
Chatuan pawha kang thei lo hausakna,
Neitu chuan min hmangaih a ni.
Zaihdamna, ngilneihna, mals^wmna, finna.
Ṭhatna famkim amahah a awm a;
Lal ropui ber ni mahse, inngaitlawmin,
Thuhnuairawlhin a awm, lei mi zingah
Min hmangaihtu Lal Isua chu.
Min thlahthlam ngai dawn lo, damlai kawng tluanin,
Ni tinin a hmangaih aw chuan min muan;
‘Ka fa, ka theihnghilh ngai lawng che,’ min ti a;
Ka zui zel ang hreawmna karah pawh;
Hmangaihtu rinawm a ni si.
Chuvangin ka zam lovang, ka lungngai lawng,
Ka lawm zel ang, min kalsan ngai dawn lo;
A kutin min thlamuan, A aw nem ka hria,
Khawvel ngamtu Engkimtitheia chu,
Min hmangaihtu Krista a ni.