Lalpa rawngbawltu, thisena leite

Lalpa rawngbawltu, thisena leite, I zam lawng aw, i kal zel ang u; Zalenna ni tur a thleng dawn ta e, Hlimin i zai zawk ang, hosana tia au rual zelin. Krista aia palai ringtu zawngte, Leiah lungngaiin rum ṭhin mah ila; Nakinah ṭhen lohna khawpui thlen hunin, Hnehna tumkau chawiin fak hla kan rem tawh ang. Thihna hlim rama sual ral do turin, Lalpan min sawm ṭhalai huaisente; Hmangaihtu aw i hai dawn em ni? Hawh u, i kal thuai ang, khawngaihna ni a liam mek zel e. Israel faten Kanaan an pan a, Mei leh chhuma a hruai zel ang khan; Hmangaihtu Lalpan min hruai zel dawn si, Thihna ka hnaih pawhin, Lal Isuan min phatsan dawn si lo. Thlipui lo hrangin min nuai vel mah se, Lal sipai rualte min dal zo lawng; Ka dinna lungpui chatuan kulhpui nghet, Chatuana nghing ngai lo Lal Isua-ah ka him reng dawn si. Krista aia palai, i kal zel ang u, Lungngaih tuarin, mittui luang mahse; He mi khawvela hrehawmna zawng hi, Ropuina lang tur nen, tehkhin rual, aw a ni mawlh si lo. Hnehna tumkau chawiin chatuanin Halleluiah. Hnehna tumkau chawiin fak hla kan rem tawh ang.