Lalpa ka thlarau thunun la

Lalpa, ka thlarau thunun la, Khawvela ka zin lai hian; Kalna zim, bumboh leh buaite Zinga kal a tul thin ang. Tisain thlarau a do thin, A chang changin a hneh si; Van thil mawi lo chhuak tura chu, Thlemna fawnten a chim buai. Ka kalna kawng zim tak a ni, A sir pawh a lengkir hle; Kal chhung hian ka thlaphan thin hi, Chhuihin ka lo lum ang e Nangma kutah erawh chuanin, Tla lovin ka thleng ang a; Nangma kutah chak lo chhuangin, Ka chau dawn lo - eng tik mah. Ramhnuai buai, pik nasa takte, Lui lian thuk, khauh bawkte u, Engtia rei nge min timangang Tura hun an tiam che u? Thim a bo vang, lungngaite pawh, Sual tinreng a reh bawk dawn; Ram, a chhung kan thlen tura chu, Pathian ram a ni alawm.