Krista rawn pa la bo rei duh lovin

Krista rawn pa la, bo rei duh lovin, Lalpa aw nem chuan a ko che, ngai teh; Chhandam tur leh tihfaia'n a zawng che, Rawn pan thuai ang che, bo rei tawh lovin. A hmangaihna awm nem chuan a ko che, Krista Isua aw nem ngaihthla teh; A hmangaihna aw nem chuan a ko che, A hnen pan thuai atan a sawm che. Kum tam tak chhungin bosan tawh mah la, A la nghak reng che, engah nge I muan? A thisena tlan sa I ni alawm, A khawngaihzia che sawi sen a ni lo. A zahngaihna mak thuchah ngaithla la, Sual nei lo chuan I sual zawng a phur ta; Ngaihdamna famkim, chatuana nunna, A rawn hla ta che, a tlanna zarah. Chatuana nunna kawng chu rawn zawh la, Lo lut rawh, beram kawngkhar takah chuan; Berampu tha nunnem chuan a ko che, Lut rawh, chatuana bo tawh lo turin.