Kan taksa, rilru leh thlarau zawngte hi

Kan taksa, rilru leh thlarau zawngte hi, Temple thianghlim atan Isua siam a ni; Ei leh in kawngah te, thianghlimna umin, Lal Isua anna ber, thianghlimna a ni. Zu in te, mei zuk te, Khaini hmuam, pankhawr eite leh; Min tikhawlo thil chin ṭha lo zawngte nen, Isua tana invawng thianghlimin, Heng hi i ching lovang u. Kan taksa, kan silhfen leh a bawmte nen, In leh lo, a vel nen i vawng fai ang u; Insumna thuchah hi hrilh darh zel ila, Kan hrisel zel ang a, kan dam rei bawk ang. Insumna thuchah leh Isua hmangaihna, Min tlantu ring ngawtin faina i uar ang; Kohhran leh chhungkua leh khawtlang a nuam ang, Kan lo ṭhang zel anga, vanah min hruai ang.