Ka aiawh Isua thihnaa thiin

Ka aiawh Isua thihnaa thiin, A nunnaah pawh a thara nungin, Ropuina chan thleng Isu ka thlir che; I ta ka ni, Lalpa, mitkhap kar tin. Mitkhapkar tinin hmangaihin min veng, Mitkhapkar tinin van nunna ka chang; Ropuina ni a lo thlen hma loh zawng, Mitkhapkar tinin min hualhim ang che. Fiahna hun chhung zawngah min awmpui ṭhin, Ka phurrit zawng zawng pawh min chhawk zang a; Ka lungngaihna zawng pawh min tuarpui ṭhin, Mitkhapkar tin vengin min awmpui ṭhin. Tuarna leh rumna, lusun, mittui tlak, Mangan, buiana leh phurrit zawng zawng nen; Lalṭhuthleng aṭang khian min rawn hriatpui; Mitkhapkar tin a mite a ngaihtuah. Kan chak lohna a hriat loh a awm lo, A tihdam theih loh natna a awm lo; Mitkhapkar tin lungngaih leh lawm pawhin; Chhandamtu Isuan min amwpui reng ṭhin.