Hla thu
Jehova Chawlhni thianghlim,
Engkim siam zawh hun thianghlim,
Malsawmin ni sarih ni,
Mihring hnena pek a ni.
Kan lawm, kan lawm,
Kan lawm, kan lawm.
Hlim takin i vawng ang u,
Lal Jehova chawlhna chu.
Ni ruk chhunga hna zovin,
Sabbath a lo ṭan ta a;
Ni sarih ni mal a sawm;
Tin, chawlin A thu kan zawm.
Sang tam tak ten kawng bovin,
Ni khatnaah an chawl a;
Baibulah reng a awm lo,
Lalpan a sawihmuh hek lo.
Thu dik chu a chiang a ni,
Thlakthlengtu mihring a ni,
Pathianin a thlak lo ve,
Kum sang tam ral tawh mahse.
Kan han zawn zel hian kan hmu,
Thupek a Sabbath awm chu,
Hman hmawhin kan zawm ta a,
Kawng awm chhun a ni si a.