Hmangaihna langchhuak ka hmuh theih zingah

Hmangaihna langchhuak ka hmuh theih zingah, Tehkhin phak loh chu ka chhandamtu; A van ropuina hlipin a lo kal, Kei misual ber tan a lo thi ta. Min hmangaihna chu ka theihtawp chhuahin, Ka dam chhung zawng hian ka fak ning lo’ng; Aw ka chhandamtu, Thlarau Thianghlimin, Min hruai zel ang che, chatuan thlengin. Lei nu leh paten fate an hmangaih, Ram hmangaihten ram tan nun an pe; Ka chhandamtu hmangaih chungchuanna chu, A hmelma, kei min lo chhandam ta. Mi mawl ber tana hriatthiam awlsam si, Mifing ber tan pawh chhuisen rual loh; Pathian hmangaihna tarlanna chiang ber, Ka chhandamtu kros ngei kha a ni. Aw ka chhandamtu, i hmangaihna nun, Ka thinlung chhungah nem kai ang che; Hmangaih vanga tlante i lawr hunah Aw chhandamtu, min telh ve ang che.