Hla thu
Hla taka khaw dur leh ruahpui sur
Piah lama saw,
Chatuan eng ropui tak a lang e,
A va nuam dawn em aw!
Chutah lungngaih, nat leh inthen
A awm tawh lo vang;
Chu lui kamah kan intawk khawm ang,
Kan chatuan inah khian.
Sawta tuifawn nasa tak piah saw,
Han thlir teh u.
Hmangaihhna khawpui mawi tak chanchin
Ropuizia min hrilh e.
Sawta luipui saw unau duhten,
An kai ta e;
Lalpa ramah kan tawk khawm leh ang,
Inthen a awm tawh lo'ng.
Aw, malsawm leh lawmna a inhawng,
Aw, ni ropui!
Chutah lungngaih leh mittui zawng zawng,
Isuan a hru fai ang.