Hla thu
He khawvelah hlim leh muanga ka thut laiin,
Kalvaria hmangaihna thisen hlu luang;
Ka thinlungah a lo thleng ta a,
Boralna rama leng min tlannaa lo ni.
Aw, i lam ka lo hawi ta e Lalpa,
Eng dang mah ka duh lo khawvelah hian;
Ka Lal leh Chhandamtuah ka pawm ta che,
Kalvaria min tlanna ropui vangin.
Rei tak ka Lalpa chu tlan bosan mah ila,
Eng anga sual bawlhhlawh pawh ni ila,
A hmangaih aw nem chuan min sawm;
Ka thinlungah thlamuanna reh thei lo min pe.
Aw, ka hun hlu liam tawh hnu leh kum hlu zawng zawng,
Ka ngai mang e, aw, ka Lalpa fak nan;
Thih thlenga min lo hmangaihtu hi,
Ka lo nghilh rei em che Lalpa, min ngaidam rawh.
Ka aw leh i thilthlawn min pekte hi Lalpa,
Hun tha leh hun lawmawm min pekte hi;
Nangmah fa nan ka lo hmang ngai lo,
Tunah erawh Lalpa, ka hmang ve tawh ang e.