Hla thu
Han dawn vel hian lei hringnun hi,
Lung reng a awi thei nem maw;
Hrehawmna hlirin min tuam vel,
Ka ning tawh em, lei ram hi.
Ka thlir thin aw, Kanaan ram saw,
Ka nghakhlel em thlen hun tur;
Ral tawh mai se, Buaina ram hi,
Ka ning tawh em, lei ram hi.
Muanna leh hlimna zawng turin,
Lei hmun zau fang mah ila;
Ka hmu dawn si lo khawvelah,
Ka ning tawh em, lei ram hi.
Lalpa, han thlir teh lei ram hi,
Lungngaih chhumin a tuam vel;
I fa nangmah ngaihtute zawng,
Chhanchhuakin hmai tawh mai rawh.
I tana rinawmte, Lalpa,
Fiahnathlipui nuai velin;
Thlaphang, au aw hi ngaithla la,
Chhanchhuakin hmai tawh mai rawh.