Chawlhkar khat dang him takin

Chawlhkar khat dang him takin, Lalpan min hruai thleng leh ta; Tunah malsawmna zawngin, I nghak ang u, A inah; Ni sarih zinga ṭhaber, Chatuan chawlh hriattirna ni; Ni sarih zinga ṭhaber, Chatuan chawlh hriattirna ni. Kan Tlantu duh tak hminga, Khawngaihna kan dil lai hian; I lungawi hmel lantir la, Sual leh zah hlip kiang langin; Khawvel ngaihtuah ban sanin, Nangmahah min chawlhtir rawh; Khawvel ngaihtuah ban sanin, Nangmahah min chawlhtir rawh. I hmingkan fak lai hianin, I hnaihzia min hriattir rawh; I hmaa kan inkhawm hian, I ropui min hmuhtir rawh; Kan chatuan ruai ropui chu, Tunah hian min temtir rawh; Kan chatuan ruai ropui chu, Tunah hian min temtir rawh. I thu hian misual hnehin, Mi thianghlim tithlamuang se; I khawngaih rah chhuahtirin, Harsatna kiantir ang che; Chawlhni kan hman mal sawm la, I hnena kan chawlh thlengin; Chawlhni kan hman mal sawm la, I hnena kan chawlh thlengin.