Hla thu
Aw Thlarau Thianghlim, lo kal la,
Kan tha tichak ang che;
Kan rinnain min hmuhtir la,
Chumi ram nuam tak chu. (5)
Kulh thim chhungah ka awm reng a,
Ni eng lo chhuah nghakin;
Ni ropui lo chhuah ka duh a,
Kalvari hnehna ni. (5)
Khawvelah lawmna a kin fo,
A nawmna pawh a tawp;
Kumkhaw lawmna dang a awm lo,
Lal Isua fak loh zawng. (5)
An thlarau Nangin I hruai a,
Hmanlai mi thianghlim pawh;
Kei pawh ka banah min kai la,
Nun kawngah min hruai rawh. (5)
Thlaler ram hi kal tlang turin,
Hrehawm tam tak a awm;
Nang, chak lo thlamuantu I ni,
Hruaitu chak I ni fawm. (5)
Nangin mi I hruai apiangte,
Pathian fate an ni;
Kawng raltiah min hruai ang che,
Khawngaihna thahruiin. (5)
Thlaler ram ro ka kalsan ang,
Nat ram leh hrehawm ram;
Nun khaw nawmnaah ka kal ang,
Kumkhaw nawmnaah chuan. (5)