Hla thu
Aw Pathian, i khawngaihna,
Kan hmu e, kan hmu e;
Kum bul ata tawp thlengin,
Kan hmu e.
Kan inah leh ram dangah,
A chhun a zan, kumkhuain;
Nangin min veng reng thin a,
Kan lawm e, kan lawm e;
Kan ram, kan hnam, kan vaiin,
Kan vaiin.
Kum thar hi a lo thlenin,
Kan lawm ang, kan lawm ang;
A tawp thlengin min hruai la,
Kan lawm an g.
Hlauhawmah leh kan mangan
Zanah, 'I thu' kan ti ang;
Van kawngah min awmpui ang;
I thatna chhiar seng lovin,
Kan lawm ang.
Kan dam lai mumang angin,
A ral ang, a ral ang;
Kan nun tui luang ang a ni,
A ral ang.
Kum, thla leh ni an kir lo,
Thal kah a lo let hek lo,
Kan tih tur kan ti thei lo,
A pawi ang, a pawi ang;
Ngaihtuah ni a lo thleng dawn
A pawi ang.
Lalpain a thawh angin
Kan bei ang, kan bei ang;
Ni tinin chawimawi turin,
Kan bei ang.
Lalber a lo kal hunin,
Tih tur kan zawh avangin;
Lawmman hmu tur kan nihin,
Kan lawm ang, kan lawm ang;
Lalpa rama lut turin,
Kan lawm ang.