Aw Lalpa, I thil siamte zawng zawng hnenah

Aw Lalpa, I thil siamte zawng zawng hnenah, An mamawh tinreng i pe a; I thilsiam zinga chungnung ber, mihringte, Krista, chhandamtu min pe a. Lalpa, i hnenah kan lawmthu kan sawi e, I malsawmnain min vura; I hmangaihna leh enkawlna kan dawng ṭhin, Kan nun kawng min hruai zel ang che. Hriselna, remhriatna leh remchanna te, Lehkhazirthiam theihna zawng te; Kan thil tih leh tum tinreng hlawhtlinna te, Nangma malsawmna a ni e. Kan kut hnahthawh tlingkhawmte zawng zawng pawh hi, In leh lo kan din theihna te; Kan sum leh pai hlawhtlinna duhawmte hi, Nangma malsawmna a ni e. Aw Lalpa, malsawmna zawng zawng bul i ni, Kan damchhung ni min hruai zel la; I malsawmna vawrtawp chhandamna famkim, Van ram nuamah min hruai ang che.