Aw Lalpa i ta chauh ka ni e

Aw Lalpa, i ta chauh ka ni e, I hmangaih aw ka hria e; Ring ngheta dingin Nang chu pan ila, Ka duh e, mi lo hip la. Min lo hip la, Lalpa ropui ber, I thihna kraws bel turin; Min lo hip hnai ang che, Lalpa ropui ber, Thisena bual fai turin. I khawngaihna vanga thiltihtheihnain, I rawngbawlah min pui la; Tin, Ka duhthlanna nangmahah hlenin, Beiseiin min tikhat rawh. Rei lote mai pawh i bula kun hi, Hlimna ber ka tan a ni. Aw, ka Lal Pathian, i hmaah kunin Ka pawl thin che thiang angin. Ka hre seng dawn lo i hmangaih thukzia, Lui rala ka kai thlengin; Aw, ka phak dawn lo hlimna ril sanzia, Min chawlh muantir thleng pawhin.