Aw chibai buk r'u Lalpa chu thianghlim mawina nen

Aw chibai buk r’u Lalpa chu, thianghlim mawina nen. A hmaah kunin a ropui puang r’u; Thu awihna rangkachak, inngaihtlawmna rimtui nen, Lalpa hming chu fakin ṭhingṭhi rawh u. A ke bulah chuan i lungkham phurrit chu nghat la, Khawngaihtu Lalpa chuan a chhawk ang che; I ṭawngṭaina chhangin i lungngaih a tibo vang, I pen tin reng ṭha takin a hruai ang. Khawngaihtu hmaah inlan hi hreh hauh lo vang che. I thil hlan chu eng tham ni lo mah se; Hmangaihna leh takna, thinlung tlawm leh thianghlim chu, Maichama thilhlan pawm tlak a ni e. A hmaa kan inhlan hian hlauvin khur mah ila. A ma hminga hlan chu a lo pawm ang; Mittui tlakna zan chu lawmna zing eng mawi changin, Rin leh beiseina nung min neihtir ang.