Hla thu
A hnai tawh em? tih ka zawt a,
Ralvengtu chuan min lo chhang a;
Zan hi a lo ral thuai dawn a,
Khua a var dawn ta e.
Hruaitu arsi eng mawi thlirin,
Ṭah lai bang la hma lam pan rawh;
Ram hlun chu i thleng ngei dawn e,
I chatuan hmun tur chu.
Ral dotu chu ka han zawt a,
Ral do hlain min lo chhang a,
Indona hun a rei tawh lo’ng,
Tawp thlengin kan bei ang.
I rawngbawl ni kin hma loh zawng,
Ṭah lai bang la hma lam pan rawh;
Tawp thlenga tuar peih apiangin,
Lallukhum an chang ang.
Ni leh thla khi ka han zawt a,
Chhanna hmun khat min lo hlan e,
Nite an kiam lei hun a ral,
Chatuan a hnai ta e.
Chhinchhiahnate an thleng kim zel,
Ṭah lai bang la hma lam pan rawh;
Thilsiam zawng zawngin an nghak e,
Tawtawrawt rik hun chu.
A rei tawh lovang tih hriatin,
Mi fel thinlung a lo harh a,
Mittui tlak tawh lohna hmunah,
Thlamuangin an chawl ang.
Hmangaihna ram chu kan pan ang,
Ṭah lai bang la hma lam pan rawh;
Nun tawp lohna chatuan ramah,
Hlimin kan leng tawh ang.