Hla thu
Turni herchhuak a mawi ngei e,
Thinlung lairil a fan, chhungril a hlim;
Ka nitin hun ka dawn hianin lawmthu sawi tur hlir mai,
A va hlu em! Lalpa, ka lawm em e.
Hei ber hianin maw ka thinlai a tihlim thin,
Vanah khian ka hming ziah luh tawh a ni;
Chatuan hrem tur kei hi chatuan nunna ka chang si,
A ropuizia ka hrilhfiah thiam lo ve,
A hlu ka ti, Lalpa, ka lawm thin e.
I hlutzia hi ka ngaituah thin,
I tel lo va hringnun rapthlak zia nen;
Chatuan nun beisei tur nei a, nitin hun chhiar hi maw,
Thinlai a dam, chhungril a hlim thin e.
Nakin khawvar ka hmuh hunah,
Vawiina inthup hi a fiah tawh ang;
Chatuan hremhnun lam hnuchhawn a vanram kawng zawh ni chuan,
Lawm a zual ang, ka sawi thui thiam lo ve.